NARASI PENTHUL MELIKAN
PAMIRSO pawai
pembangunan ingkang minulyo
Penthul Melikan dipun
ripto rikolo tahun 1952 dining panjenenganipun alm. Kyai Munajah, Kyai Sahid
dalah Kyai Harjo Dinomo saking Dusun Melikan Desa Tempuran.
Ageman dalah gerak
tari Penthul Melikan tuhu ngemu suraos pitutur luhur saking poro sesepuh ing
antawisipun :
Ageman / rasukan
Penthul Melikan wonten ingkang bolong ngajeng niku mengku werdi seperangane
menungso meniko wonnten ingkang naming mentingaken kebetahan padaranipun kemawon.
Ageman Penthul
Melikan wonten ingkang bolong wingking maknanipun seperangan manungso wonten
ugi ingkang menggalihaken pagesangan ingkang langkung langgeng ing
mbenjangipun. Tuhu meniko ingkang leres.
Topeng penthul
ingkang aneko warni benten –benten bentuk ipun meniko mujutaken bilih teng
Indonesia meniko benten-benten suku bangsa, adat istiadat, agama lan ras sipun
soho lintu-lintunipun.
Lajeng gerakan –
gerakan tari Penthul Melikan meniko ugi wonten werdinipun :
Gerakan GANDENGAN
TANGAN mengku filosofi ajak-ajak dating
kerukunan, gotong royong adalah persatuan bangsa Indonesia.
Gerakan OO AA . O
artosipun obah. A artosipun Alloh. Maksutipun kito kedah makaryo lan tansah
enget dating kemirahan dalah keagunganipun Gusti Alloh.
Gerakan MAJU BUNG
mengku werdi kito kedah terus bergerak maju kangge ngisi kamardikan.
Gerakan SELALU
maknanipun ngemutaken kito kedah istiqomah wonten perjuangan lan ngisi
kamardikan.
Gerakan INSYAFLAH
ngemutaken kito supados inggal-inggal tobat saking doso-doso ingkang kito lampahi.
Gerakan SUDAH JADI
ngaturaken bilih Negari Indonesia sampun mardiko rikolo 17 Aguatus 1945.
Gerakan AKU SUKA
nggambaraken kebahagiaan kemeriahan rakyat Indonesia sak lebetipun nyambut
kamardikan negari kito Republik Indonesia. Nuwun
Tidak ada komentar:
Posting Komentar